Prezident Azərbaycanı ittiham edənləri qınadı
“Heç kimdən asılı deyilik, heç kimdən heç nə istəmirik. Ona görə bəlkə də bəzi böyük dövlətlər bizdən narazıdırlar. Çünki onlar öyrəşiblər ki, gəlsinlər onların qabağında baş əysinlər, o da icazə versin, ya da verməsin”.
Bu sözləri Prezident İlham Əliyev oktyabrın 17-də Füzuli Şəhəri Günündə Füzuli şəhərinə köçmüş sakinlər və rayon ictimaiyyətinin nümayəndələri ilə görüşdə deyib.
“Bəziləri hesab edirdilər ki, biz antiterror tədbirlərini apararkən heç kimdən soruşmamışıq. Yəni, biz kimdən soruşmalıyıq?! Nəyi soruşmalıyıq?! Bəziləri indi deyirlər ki, biz beynəlxalq ictimaiyyəti aldatmışıq. Bu da qəribədir ki, bir qrup ölkə özünü beynəlxalq ictimaiyyət sayır. Axı beynəlxalq ictimaiyyət deyəndə, 200-dən çox ölkə var, 20-30 ölkə beynəlxalq ictimaiyyət sayıla bilməz.
Onlar elə öyrəşiblər, özlərindən başqa heç kimi ictimaiyyət saymırlar və belə bir ittiham indi irəli sürülür ki, biz antiterror tədbirləri keçirməklə beynəlxalq ictimaiyyəti onları aldatmışıq. Bu, çox zərərli məntiqdir”, – deyə dövlət başçısı bildirib.
#İlham Əliyev teqi istifadə olunub
- İlham Əliyev İsveç Kralını milli bayramları münasibətilə təbrik edib - Baku TV
- Rusiya lideri Prezident İlham Əliyevə minnətdarlığını bildirib - Baku TV
- Prezident Mərkəzi Bankın yeni inzibati binasının açılışında iştirak edib
- Prezident Mərkəzi Bankın yeni inzibati binasının açılışında - Baku TV
- Bakı–Tbilisi–Qars yeni mərhələdə | Bakı növbəti beynəlxalq tədbirə hazırlaşır - YENİ BİR SƏHƏR
