Prezident bu rayonlara yeni icra başçıları təyin etdi

Kürdəmir və Bakının Nəsimi Rayon İcra Hakimiyyətinə yeni başçılar təyin edilib. Bununla bağlı Prezident İlham Əliyev Sərəncam imzalayıb.

Dövlət başçısının imzaladığı sənədə əsasən, Elxan İbrahimov Kürdəmir Rayon İcra Hakimiyyətinin başçısı vəzifəsindən azad edilərək Nəsimi Rayon İcra Hakimiyyətinin başçısı vəzifəsinə təyin edilib. Kürdəmir Rayon İcra Hakimiyyətinin başçısı vəzifəsinə isə dövlət başçısının Sərəncamı ilə Elşən Həsənli təyin edilib.

Natiq Ağayev isə Balakən Rayon İcra Hakimiyyətinin başçısı təyin edilib. Dövlət başçısının digər Sərəncamı ilə Natiq Ağayev Göyçay Rayon İcra Hakimiyyətinin başçısı vəzifəsindən azad edilib.

Bundan başqa, Orxan Mürsəlov Gədəbəy Rayon İcra Hakimiyyətinin başçısı vəzifəsindən azad edilərək, Göyçay rayonunda icra başçısı təyin edilib.

Elvin Paşayev isə Göygöl Rayon İcra Hakimiyyətinin başçısı vəzifəsindən azad edilərək, Qax Rayon İcra Hakimiyyətinin başçısı təyin edilib.

Dövlət başçısının digər sərəncamı ilə Vüqar Novruzov isə Naftalan Şəhər İcra Hakimiyyətinin başçısı vəzifəsindən azad edilərək Göygöl Rayon İcra Hakimiyyətinin başçısı vəzifəsinə təyin edilib.