Prezident İlham Əliyev Xankəndi və Şuşaya səfər edib

Prezident İlham Əliyev sentyabrın 19-da Xankəndi şəhərində “Bulud” hotelində aparılan təmir-bərpa işləri ilə tanış olub.

Ölkə başçısı həmçinin şəhərdəki Nizami Gəncəvi adına 4 nömrəli tam orta məktəbin və 1 nömrəli körpələr evi-uşaq bağçasının təmirdən sonra açılışlarına qatılıb.

Səfər çərçivəsində Prezident Xankəndi Dövlət Dram Teatrının binasında və şəhərin Zəfər meydanında Konqres Mərkəzinin tikintisi ilə tanış olub.

Ölkə başçısı Şuşaya gedib. Prezident İlham Əliyev burada Üzeyir Hacıbəylinin ev-muzeyinin və Bayraq Meydanının açılışlarında iştirak edib.