Prezident İlham Əliyev Ərdoğana başsağlığı verib

Azərbaycan Prezidenti İlham Əliyev Türkiyənin Kahramanmaraş şəhərində yerləşən məktəblərdən birinə edilən amansız silahlı hücum nəticəsində çox sayda insanın, xüsusilə də uşaqların həlak olması və yaralanması ilə bağlı türkiyəli həmkarı Rəcəb Tayyib Ərdoğana başsağlığı məktubu göndərib. Dövlət başçısı məktubunda baş vermiş faciədən dərin sarsıntı keçirdiyini bildirərək, uşaqlara qarşı yönəlmiş bu qəddarlıq aktını kəskin şəkildə pisləyib. Prezident İlham Əliyev Azərbaycan xalqı adından həlak olanların ailələrinə, yaxınlarına və qardaş Türkiyə xalqına dərin hüznlə başsağlığı verib, yaralananların tezliklə sağalmasını arzulayıb. Videoda Türkiyədə baş verən bu dəhşətli hadisənin təfərrüatları, rəsmi Bakının qardaş ölkəyə dəstək bəyanatları və hadisə yerindən ən son görüntülər Baku TV-nin xüsusi reportajında təqdim olunur.