Prezident mühüm sərəncamlar imzaladı

İqtisadiyyat Nazirliyi yanında Dövlət Vergi Xidmətinin əməkdaşlarına ali xüsusi rütbələr verilib.

Bununla bağlı Prezident İlham Əliyev Sərəncam imzalayıb.

Sənədə əsasən, Dövlət Vergi Xidmətinin 2 əməkdaşına – Daxili təhlükəsizlik baş idarəsinin rəisi Kənan Quliyev və Yerli qurumların fəaliyyətinin əlaqələndirilməsi baş idarəsinin rəisi Elçin Bəylərova 3-cü dərəcəli dövlət vergi xidməti müşaviri rütbəsi verilib.

Dövlət başçısı İqtisadiyyat Nazirliyi yanında Dövlət Vergi Xidməti işçilərinin təltif edilməsi haqqında da Sərəncam imzalayıb.

Sənədə əsasən, vergi sisteminin inkişafında xidmətlərinə görə 1 nəfər 3-cü dərəcəli “Vətənə xidmətə görə” ordeni ilə, 1 nəfər “Dövlət qulluğunda fərqlənməyə görə” medalı ilə, 5 nəfər 1-ci dərəcəli “Vergi orqanlarında xidmətdə fərqlənməyə görə” medalı ilə, 2 nəfər 2-ci dərəcəli “Vergi orqanlarında xidmətdə fərqlənməyə görə” medalı ilə və 1 nəfər 3-cü dərəcəli “Vergi orqanlarında xidmətdə fərqlənməyə görə” medalı ilə təltif edilib.