Prezident Qarabağda bir sıra obyektlərin açılışında iştirak edib

Prezident İlham Əliyev iyulun 5-də Xocalı Hava Limanında olub.

Daha sonra Xankəndi şəhərində yerləşən Qarabağ Universitetinə gələn ölkə başçısına burada görülən işlər barədə məlumat verilib.

Prezident İlham Əliyev həmçinin əsaslı təmir və bərpadan sonra “Qarabağ” hotelinin açılışında da iştirak edib.

Səfər şərçivəsində dövlət başçısı eyni zamanda Xankəndi Konqres Mərkəzinin təməlini qoyub və əsaslı təmir və bərpadan sonra “Palace” hotelinin açılış tədbirinə qatılıb.

Qarabağda səfərini davam etdirən Prezident İlham Əliyev Şuşada “İsa bulağı” istirahət kompleksinin, Şuşa sutəmizləyici qurğular kompleksinin açılışında olub.

Görülən işlərin nəticələri ilə tanış olan ölkə başçısı Aşağı Gövhər Ağa məscidinin bərpadan sonra açılışı, həmçinin Dövlət Xidmətləri Mərkəzinin əsaslı təmirdən sonra açılışında iştirak edib.