Prezident və xanımı Ümummilli Lider Heydər Əliyevin və Milorad Paviçin abidələrini ziyarət etdi

Azərbaycan Respublikasının Prezidenti İlham Əliyev və birinci xanım Mehriban Əliyevanın Serbiya Respublikasına rəsmi səfəri çərçivəsində mənəvi və mədəni əhəmiyyət kəsb edən mühüm ziyarətlər baş tutub. Baku.tv-nin Belqraddan verdiyi məlumata görə, dövlət başçısı və xanımı şəhərin məşhur Taşmaydan parkına gələrək, burada ucaldılmış Ümummilli Lider Heydər Əliyevin və görkəmli serb yazıçısı Milorad Paviçin abidələrini ziyarət ediblər. Prezident İlham Əliyev hər iki abidənin önünə əklil qoyaraq onların xatirəsinə dərin ehtiramını bildirib. Qeyd edək ki, 2011-ci ildə açılışı olan bu abidələr Bakı və Belqrad arasındakı strateji dostluğun və mədəni körpülərin rəmzi hesab olunur. Ziyarət zamanı Serbiya rəsmiləri də iştirak edib və Taşmaydan parkının Azərbaycan tərəfindən yenidən qurulmasının şəhər sakinləri üçün önəmi vurğulanıb. Videoda ziyarət anının özəl kadrları, Taşmaydan parkındakı səmimi atmosfer və iki ölkə arasındakı mənəvi bağlılığı əks etdirən detallar yer alır.