Prezident yağışların yaratdığı problemlərə diqqəti yönəltdi - Baku TV
Bu gün kanalizasiya xidməti göstərilən əhali cəmi 50 faiz təşkil edir. Proqramın icrası nəticəsində bu, 95 faizə çatdırılmalıdır.
Bu barədə Prezident İlham Əliyev Bakı şəhəri və Abşeron yarımadasında su təchizatı, tullantı və yağış suları sistemlərinin təkmilləşdirilməsinə dair 2026-2035-ci illər üzrə Dövlət Proqramına həsr olunan müşavirədə çıxışında deyib.
“Leysan yağışları yağan kimi şəhər nəqliyyatı iflic vəziyyətinə düşür, çox ciddi problemlər yaşanır. Düzdür, bu, təkcə Bakıda, Azərbaycanda deyil. Biz televiziya verilişlərində dünyanın istənilən yerində bunu görürük. Hətta ən inkişaf etmiş ölkələrin şəhərlərində də daşqınlar adi hal alıb. Heç bir şəhərin infrastrukturu imkan vermir ki, əgər şiddətli leysan yağışları bir neçə gün davam etsə, bunu idarə etmək mümkün olsun. Ancaq buna baxmayaraq, bizim də bu sahədə zəif yerlərimiz kifayət qədər çoxdur. Ona görə yağış sularının idarə olunması üçün Bakının 30 küçəsində yeni kollektor şəbəkəsi də qurulacaq və bunun çox böyük faydası olacaq”, – deyə dövlət başçısı vurğulayıb.
#İlham Əliyev teqi istifadə olunub
- Azərbaycan enerji ehtiyatlarının etibarlı tranzit ölkəsi rolunu oynayır | İlham Əliyev - Baku TV
- “Türkiyədə və Cənubi Qafqazda əlavə addımlar atmaq istəyirik” | Dan Yorgensen
- "Avropanın enerji bazarında mövcudluğumuzu genişləndirmək niyyətindəyik" | Prezident - Baku TV
- Prezidentdən mühüm mesaj: "Hamımız planetin təhlükəsiz, təmiz olmasını istəyirik, amma..." - Baku TV
- Yaşıl enerji dəhlizi güclənir | "Özəl şirkətlər bunlara investisiya yatırmağa başlayıb" - Baku TV
