Proses çox yüksək səviyyədə təşkil olunmuşdu | Serbiyalı müşahidəçidən seçkilərlə bağlı açıqlama

Azərbaycanda parlament seçkilərini müşahidə edən Serbiya parlamentinin üzvü Jivota Starteviç səsvermə günü bir neçə məntəqədə olduqlarını və seçkilərin demokratik standartlara uyğun keçirildiyini deyib.

O bildirib ki, seçki prosesinə mane olan heç bir şeyə rast gəlinməyib:

"Proses sülh şəraitində oldu. Bizim müşahidə apardığımız məntəqələrdə heç bir qanunsuzluq olmadı. Mərkəzi Seçki Komissiyasının peşəkarlığı nəticəsində hər şey yüksək səviyyədə keçdi. Mən istədiyim yoxlamaları apara bildim. Bu, demokratik şəraitin növbəti təzahürüdür".