Qafqaz Albaniyasının mənşəyi və tarixi haqqında əsl gerçək | QƏRBİ AZƏRBAYCAN XRONİKASI

“Qərbi Azərbaycan Xronikası” layihəsi çərçivəsində "Ermənilərin Albaniya yalanı ifşa olundu" adlı veriliş efirə gedib.

Verilişdə tarixçi alim Ramin Əlizadə Qərbi Azərbaycan ərazisində mövcud olan Alban dövləti haqqında danışıb.

O bildirib ki, alban adı ilk dəfə eramızdan əvvəl 743-cü ildə çəkilib və qədim türk dilində ərən mənası bildirən "alp" sözündəndir. Albanların Kür çayının sağ sahilində eradan əvvəl yaşadıqları sübut olunub. Qərbi Azərbaycan ərazisində eramızdan əvvəl Alban dövləti artıq mövcud idi.

Onun sözlərinə görə, Qərbi Azərbaycanı Urartu işğalından azad edən Etuhi tayfalarıdır:

"Albaniya və Atropatena dövlətləri qədim İskit dövlətçiliyi əsasında yaranıb. Albanların ilk hökmdarı Sak soyundan olan Aran olub".

Qeyd olunub ki, M.Kalankatlının "Alban Tarixi" kitabını ermənilər saxtalaşdırıb, özləri haqqında məlumat daxil ediblər. Albanlar xristianlığı ermənilərdən 270 il əvvəl qəbul ediblər. Erməni hökmdarı 350-ci ildə kilsənin baş keşişini zopa ilə döydürüb öldürtdürüb. Sonda vurğulanıb ki, Alban hökmdarlarının əsli Sak soyundan olan aranlardandır.