"İlham Əliyevin və Azərbaycanın bütün səylərini alqışlamaq istərdim" | Peter Pelleqrini - Baku TV

“Slovakiya Respublikası üçün təhlükəsizlik və sülh fundamental əhəmiyyət kəsb edir. Buna görə mən regionumuza təsir göstərən gərginliyin aradan qaldırılması, istər Rusiya ilə Ukrayna müharibəsi, istərsə də Yaxın Şərqdəki çətin vəziyyətin diplomatik həlli istiqamətində Prezident İlham Əliyevin və Azərbaycanın bütün səylərini alqışlamaq istərdim”.

Bunu Slovakiya Prezidenti Peter Pelleqrini Prezident İlham Əliyev ilə Şuşada birlikdə mətbuata bəyanatında deyib.

“Mən həmçinin təsdiqləmək istərdim ki, 2027-ci və 2028-ci illərdə Slovakiya Bakıdakı səfirliyi vasitəsilə NATO-nun Azərbaycanda Əlaqələndirici Səfirliyi kimi işini davam etdirəcək. Çox şadam ki, müdafiə nazirlərimiz təhlükəsizlik və müdafiə imkanları sahəsində əla əməkdaşlıq edirlər. Həmçinin şadam ki, Slovakiya birgə əməkdaşlığımızın və razılaşmalarımızın ilk nəticələrini bu ilin sentyabrında Bakıda keçiriləcək əsas müdafiə sərgisində göstərə biləcək”, – deyə o bildirib.