"Türk Dövlətləri InsurTech Sammiti 2025" | Mərkəzi Bankın baş direktorundan açıqlama

“Prezident İlham Əliyevin türk dövlətləri arasında strateji və iqtisadi əməkdaşlığın gücləndirilməsi istiqamətində atdığı uğurlu addımlar müxtəlif sahələrdə olduğu kimi, sığorta sektorunda da türk dövlətlərinin birgə və qarşılıqlı fəaliyyəti üçün geniş imkanlar yaradıb”.

Bu sözləri Azərbaycan Mərkəzi Bankının (AMB) Baş direktoru Vüsal Qurbanov Bakıda keçirilən “Türk Dövlətləri InsurTech Sammiti 2025” tədbirində bildirib.

Onun sözlərinə görə, türk dövlətləri liderlərinin bu istiqamətdə göstərdiyi təşəbbüslər xüsusilə əhəmiyyət daşıyır:

“Bu gün iştirak etdiyimiz “InsurTech” Zirvəsi türk dövlətləri arasında qarşılıqlı əməkdaşlığın bariz nümunəsidir və birgə innovasiya, rəqəmsal platformaların qurulmasına xidmət edir.

Müasir dünyada sığorta təkcə maliyyə sabitliyinin əsas dayağı deyil, həm də cəmiyyətin sosial rifahını və gələcəyə inamını təmin edən strateji mexanizmdir”.

Vüsal Qurbanov əlavə edib ki, bu gün sığorta sektoru ənənəvi prinsiplərlə deyil, texnologiyanın gətirdiyi yeniliklərlə də formalaşır.