"Vaqnerçilər"i Ermənistanda görən ekspert: məqsəd bəllidir

Erməni hərbi ekspert Qor Amatuni ölkədə Rusiyanın “Vaqner” özəl hərbi şirkətinin üzvlərini şəxsən gördüyünü bildirib.

O, bu barədə özünün “YouTube” kanalında məlumat verib. Ekspert döyüşçülərlə Gorusda yerləşən hotellərdən birində qarşılaşdığını etiraf edib.

“Mən bu yaxınlarda Gorusa getmişdim. Orada “Vaqnerçilər”dən bir neçə nəfəri gördüm, onların komandiri Rusiyalı erməni idi. Onun yanında başqa ermənilər də vardı. Sonra mən onlarla Gorusun müxtəlif yerlərində qarşılaşdım.

“Vaqnerçilər” doğrudan da, Ermənistana gəlir və burada toplaşırlar. Onların niyə gəldiyini hamımız yaxşı bilirik. Ermənistanın Milli Təhlükəsizlik Xidməti, ordusu və polisi çox diqqətli olmalıdır. Ümumiyyətlə, ölkənin ərazisinə arzuolunmaz şəxslər buraxılmamalıdır. Gəlin mövcud vəziyyətə görə hər şeyə hazırlıqlı olaq”, – deyə ekspert bildirib.