Qusarın vəzifəsindən azad edilən icra başçısının mülklərinin siyahısı

Prezident İlham Əliyevin Sərəncamı ilə Qusar Rayon İcra Hakimiyyətinin başçısı Şair Alxasov vəzifəsindən azad edilib.

Unikal.az işdən çıxarılan Şair Alxasovun əmlaklarının siyahısını yayımlayıb.

Siyahıda Qusarda keçmiş başçının evi ilə qarşı-qarşıya yerləşən hotel, Qusar şəhəri ərazisində tikdirdiyi 5 mərtəbəli binalar, 6 nömrəli məktəbin yanında hotel, Nəriman Nərimanov parkında restoran, Bayraq meydanının yaxınlığında 2 hotel, meşə fonduna aid olan 27 hektarlıq torpaq sahəsinin Şair Alxasova aid olduğu qeyd olunur.

Qeyd edək ki, Şair Alxasov meşə fonduna aid olan 27 hektarlıq torpaq sahəsinin 1 sotunu 5 min manatdan satıb.

Xatırladaq ki, bir neçə gün öncə icra başçısı Şair Alxasovun yaxın adamı, bələdiyyə sədri Əlfəddin İbrahimov Qusarda torpaq sahələrini rüşvət qarşılığında qanunsuz satdığına görə cinayət məsuliyyətinə cəlb edilib.