Rusiya İstintaq Komitəsinin rəhbəri Kamran Əliyevlə təyyarə qəzasını müzakirə etdi

Rusiya İstintaq Komitəsinin rəhbəri Aleksandr Bastrıkin və Azərbaycanın Baş prokuroru Kamran Əliyev Aktauda baş vermiş təyyarə qəzasının birgə təhqiqatında prioritet vəzifələri müəyyən ediblər.

Bu haqda Rusiya İstintaq Komitəsi məlumat yayıb.

Qeyd edək ki, Qazaxıstanın Aktau şəhəri yaxınlığında baş vermiş təyyarə qəzası ilə bağlı cinayət işi Rusiya İstintaq Komitəsinin mərkəzi aparatına tapşırılıb. Həmçinin hadisədən sonra Azərbaycan Prezidenti İlham Əliyevin tapşırığı ilə təyyarə qəzasının səbəblərinin araşdırılması üçün Baş nazir Əli Əsədovun rəhbərliyi ilə Dövlət Komissiyası yaradılıb.

Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarənin göyərtəsindəki 67 nəfərdən 38-i həlak olub, 29-u sağ qalıb.