Rusiyada rezonans yaradan qərar | “Bakı ilə əlaqələrin korlandığı vaxtda belə bir şeyin olması...”

Mixail Qusman agentlikdə təxminən otuz il işlədikdən sonra TASS-ın baş direktorunun birinci müavini vəzifəsindən azad edildi. Bu, Qusmanın Azərbaycanda keçirilən və Prezident İlham Əliyevin iştirak etdiyi media forumunda iştirakından sonra baş verib.

Bu barədə Rusiyanın “Kremlyovskaya Tabakerka” “Telegram” kanalı yazıb.

“Bakı ilə Moskva arasında diplomatik münasibətlərin korlanması fonunda heç kim belə bir addımı başa düşmür. Baxmayaraq ki, bəziləri Qusmandan Əliyevə mühüm mesajı çatdırmaq üçün elçi kimi istifadə edildiyi barədə söz-söhbətlər yayırdı. Bu versiyanı İlham Əliyevin Amur vilayətində “An-24” təyyarəsinin qəzaya uğraması ilə bağlı Vladimir Putinə başsağlığı verməsi də təsdiq edir.

Qusman vəzifəsiz qaldı və bəzi mənbələrə görə, Azərbaycan səfərinin ikinci görkəmli iştirakçısı ‒ Sergey Markov da cəzalandırılacaq. Ümid edir ki, o, bundan qurtula biləcək. Amma yox. Onun arxasında duran yüksək vəzifəli şəxslər də kömək etməyəcəklər”, ‒ kanal yazıb.