Seçki dairələrində dəyişiklik edildi | MSK-dan açıqlama

Mərkəzi Seçki Komissiyasının iclası keçirilir.

Toplantıda bəzi seçki dairələrinin hüdudlarına dəyişiklik edilib.

Qurum sədrinin müavini Rövzət Qasımovun təqdimatına əsasən, Ağdərə rayonunun yaradılması ilə bağlı Tərtər, Kəlbəcər və Ağdam rayonlarının inzibati ərazilərində dəyişiklik olunub. Ağdərə rayonu bərpa edildiyinə görə 97 saylı seçki dairəsinin adı dəyişdirilib.

MSK sədrinin müavini Rövzət Qasımov deyib ki, komissiya təmsilçilik baxımından bütün rayonların ölkə parlamentində təmsil olunması üçün müəyyən uyğunlaşdırmalar aparılmalıdır. Ona görə də Ağdərə rayonunun adı 97 saylı seçki dairəsinin adına əlavə edilir.

Beləliklə, seçki dairəsi bundan sonra 97 saylı Tərtər-Ağdərə-Goranboy adlandırılacaq.