Şəhid ailələri və bu şəxslər özəl universitetlərdə pulsuz təhsil alacaq

Şəhid ailəsinin üzvlərinin özəl universitetlərdə pulsuz təhsil almasına dair qanun təsdiqlənib.

Bu, Prezident İlham Əliyevin “Təhsil haqqında” qanunda dəyişiklik edilməsi barədə imzaladığı Qanunda öz əksini tapıb.

Sənədə əsasən, özəl ali, orta ixtisas və peşə təhsili müəssisələrində şəhid ailəsinin üzvlərinin, peşə təhsili müəssisələrində "Müharibə veteranı" adı almış şəxslərin, özəl peşə təhsili müəssisələrində isə əlilliyi olan şəxslərin, 20 yaşına çatmamış və orqanizminin funksiyalarının 81-100 faiz pozulmasına görə əlilliyi müəyyən edilmiş valideyni olan, aylıq gəliri yaşayış minimumundan aşağı olan şəxslərin ödənişli əsaslarla təhsil aldıqları müddətdə təhsil xərcləri dövlət büdcəsinin vəsaiti hesabına ödəniləcək.