Türkiyə Prezidenti xalqa müraciət etdi

Türkiyə Prezidenti Rəcəb Tayyib Ərdoğan “Twitter” vasitəsilə növbəti dəfə vətəndaşlara müraciət edib.

Türkiyə lideri mayın 28-də keçiriləcək prezident seçkilərində səs verəcək vətəndaşlara bir neçə sual ünvanlayıb və onlardan bu suallara səmimi cavab vermələrini xahiş edib.

“Seçkilərdən əvvəl zəlzələdən zərərçəkənlərə pulsuz ev vəd edib, sonra onları müvəqqəti olaraq qaldıqları yerlərdən çıxarmağa çalışanlara etibar etmək olarmı? Bürokratik və siyasi fəaliyyətində ölkəyə heç bir xeyri olmayan bir şəxsdən bu millətə nə fayda gələ bilər? 17-25 dekabr tarixlərində baş verən çevriliş cəhdində FETO üzvləri ilə əməkdaşlıq etdiyini şəxsən etiraf edən birinə inanmaq olarmı? Rəqiblərini gözdən salmaq üçün təhdid və təzyiq kimi yollardan istifadə edib, bunu etik hesab edənlərin siyasi əxlaqına güvənmək olarmı? Dünən “ağ” dediyinə bu gün “qara” deyən, dünən dediklərini bu gün inkar edənlərə inanmaq, övladlarımızın gələcəyini bu kimi şəxslərə əmanət etmək olmaz. Millətimiz mayın 14-də Türkiyə Böyük Millət Məclisində deputat yerinin çox hissəsini, yəni 323-nü “Cümhur İttifaqı”na verməklə, əslində öz iradəsini nümayiş etdirib. Prezident seçkilərində 49.5 faiz səslə 27 milyondan çox vətəndaşımız şəxsimizə ehtiram göstərib. İnşallah, mayın 28-ni əziz millətimizin iradə və dəstəyi nəticəsində rekord səs çoxluğu ilə başa vuracağıq”, – deyə R.T.Ərdoğan paylaşımında qeyd edib.