Siyasət
Pleyeri seçin:
Türkiyənin Bakıdakı səfirliyi həlak olan hərbçilərimizlə bağlı xalqımıza başsağlığı verdi
Türkiyənin Bakıdakı səfirliyi Gədəbəy rayonunda Azərbaycan hərbi qulluqçularının qar uçqunu nəticəsində həlak olması ilə bağlı ölkəmizə başsağlığı verib.
Bu barədə diplomatik missiyanın sosial şəbəkə hesabında paylaşım edilib.
“Martın 19-da Gədəbəydə qar uçqunu altında qalan iki Azərbaycan əsgərinin vəfat etdiyini bu gün təəssüflə öyrəndik. Baş verən faciəli hadisə nəticəsində həlak olan qardaşlarımıza Allahdan rəhmət diləyir, can Azərbaycan xalqına başsağlığı veririk”, – deyə paylaşımda bildirilib.
Qeyd edək ki, Gədəbəy rayonu ərazisində yerləşən xidmət yerindən qayıdarkən dumanlı hava şəraitində qar uçqununa düşən Azərbaycan Ordusunun hərbi qulluqçuları əsgər Əli İmanovun və əsgər Ruslan Həmidovun nəşləri martın 21-də tapılıb.
Kopyalandı
Seçilmişlər
