Vaşinqtonda antimilli ünsürlərin Azərbaycana qarşı təxribat cəhdi - Baku TV

Vaşinqtonda Azərbaycanın dövlət maraqlarına və ölkə rəhbərliyinə qarşı yönəlmiş növbəti çirkin təxribatın qarşısı alınıb. Baku TV-nin "Siyasət" rubrikasında yayımlanan məlumata görə, Azərbaycan Respublikasının Prezidenti İlham Əliyevin ABŞ-a səfəri zamanı bir qrup antimilli ünsür erməni lobbi təşkilatları ilə əlbir olaraq aqressiv aksiya keçirməyə cəhd edib.

Hadisə dövlət başçısının qaldığı otelin yaxınlığında, təhlükəsizlik kordonunun yarılması cəhdi ilə müşayiət olunub. ANCA (Amerika Erməniləri Milli Komitəsi) kimi radikal qurumlar tərəfindən dərhal dəstəklənən bu təxribatçı qrup, diplomatik etika normalarını kobud şəkildə pozaraq qeyri-əxlaqi şüarlar səsləndirib. Lakin Azərbaycan Prezidentinin Təhlükəsizlik Xidmətinin operativ müdaxiləsi və ABŞ polisinin kordonu qoruması nəticəsində təxribatçıların zorakı hücum cəhdinin qarşısı alınıb. Videoda təxribatçıların kimliyi, onların erməni dairələri ilə maliyyə-siyasi əlaqələri və Vaşinqtondakı hadisə yerindən ən son görüntülər təqdim olunur.