Vladimir Putindən önəmli açıqlamalar

Rusiyaya qarşı hibrid müharibə aparılır.

Bunu Rusiya Prezidenti Vladimir Putin Şanxay Əməkdaşlıq Təşkilatının videokonfrans formatında keçirilən sammitində çıxışında bildirib. Onun sözlərinə görə, Rusiya xarici təzyiq və sanksiyalara inamla müqavimət göstərir və bundan sonra da müqavimət göstərəcək.

V.Putin çıxışında ötən ayın sonunda Rusiyada baş vermiş silahlı qiyam cəhdinə də toxunub və vurğulayıb ki, Rusiya xalqı həmişəkindən daha çox birləşib: "İndiki şəraitdə ölkəmiz əvvəlki kimi inkişafını davam etdirir. Rusiyanın siyasi dairələri, bütün cəmiyyət vahid cəbhədə qiyam cəhdinə qarşı çıxdılar".

V.Putin Rusiyanın Şanxay Əməkdaşlıq Təşkilatının Yeni Dehli Bəyannaməsinin layihəsini dəstəklədiyini də söyləyib. Rusiya və Çin arasında əlaqələrdən danışan Rusiya Prezidenti iki ölkə arasında ticarət əməliyyatlarının 80%-dən çoxunun rubl və yuanla həyata keçirildiyini qeyd edib.