WUF13-də erməni vandalizmindən danışıldı | "Təhqiramiz şəkillər var idi, indi isə..." - Baku TV

“Ağdamda Cümə Məscidi yeganə məscid idi ki, dağıdılmamışdı, ancaq orada vandalizm nümunələrinə rast gəlmişdik. Məscidin minbərində təhqiramiz sözlər və şəkillər var idi, orada inəklər, donuzlar saxlayırdılar”.

Bu sözləri Ümumdünya Şəhərsalma Forumu (WUF13) çərçivəsində keçirilən “Urbisiddən Dirçəlişə: Ağdam, Füzuli, Xocavənd, Cəbrayıl, Qubadlı və Zəngilanda dayanıqlı yenidənqurma, məskunlaşma və inkişaf” adlı tədbirdə Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəsi Emin Hüseynov deyib.

Emin Hüseynov həmçinin qeyd edib ki, Ağdamdakı İmarət Kompleksi Qarabağ xanlığının əsasının qoyulduğu məkandır və düşmənlər kompleksi, xanlığın mənsublarının məzarlarını məhv edib, başqa məqsədlər üçün istifadə edirdilər.

O əlavə edib ki, aparılan bərpa işlərindən sonra məscid öz ilkin görkəminə qaytarılıb və hazırda muzey kimi fəaliyyət göstərir.