Xamenei "Sparrow" ilə öldürülməyib | Naxçıvanın vurulmasının arxasında nə dayanır? - HƏRBİ XRONİKA

“Hərbi xronika” rubrikasının budəfəki buraxılışında fevralın 28-də başlayan İran–İsrail–ABŞ qarşıdurmasının ilk həftəsi müasir müharibə aspektindən analiz edilib.

Bildirilib ki, məlumatlara görə, İranın ali dini lideri Əli Xameneinin iqamətgahına endirilən zərbə, çox güman ki, ortakalibrli idarəolunan bombalarla həyata keçirilib. Bu tip hücumlarda “GBU-39” və JDAM tipli bombaların istifadə edilməsi ehtimal olunur.

Qeyd olunub ki, İranın əsas hücum arsenalı arasında “Qiam”, “Shahab-3”, “Fateh-110” raketləri və “Shahed” dronları yer alır. Bu silahlar ABŞ və İsrailin müdafiə sistemlərinə qarşı istifadə olunur. İran raketləri müxtəlif zərbə diapazonlarına malik olsa da, hələ də ABŞ və İsrailin qabaqcıl müdafiə sistemlərinə qarşı tam effektli deyil.

İsrailin “Arrow-3” sistemi bu qarşıdurmada təsirli olub və “Fattah-2” raketləri və “Shahed” dronlarına qarşı mübarizədə çətinliklər yaradıb. İsrail həmçinin “Iron Beam” lazer silahını döyüşlərdə ilk dəfə sınaqdan keçirib.

ABŞ və İsrail minimum ziyanla “cərrahi hücum” prinsipləri tətbiq edərək strateji hədəfləri vurub.

Ən maraqlı tərəf isə İranın raket-dron arsenalını və taktikasını sınaqdan keçirməsi, ABŞ və İsrailin müdafiə reaksiyalarının testidir. Nəticədə, İranın müdafiə sistemi çoxlaylı hücumlara qarşı zəif olub, xüsusilə də mülki hədəfləri seçməkdəki qeyri-etik siyasətinin mənfi nəticələri görünür.