Yaponiyadakı fəlakətə Azərbaycandan reaksiya

Xarici İşlər Nazirliyi Yaponiyaya başsağlığı verib.

Bu barədə nazirliyin “X” hesabında paylaşım edilib.

“Yaponiyanın Noto yarımadasında baş verən zəlzələ nəticəsində qeydə alınan insan tələfatı və dağıntılar bizi dərindən kədərləndirir. Bu faciədə həlak olanların ailələrinə və yaxınlarına dərin hüznlə başsağlığı verir, xəsarət alanlara şəfa diləyirik”, – deyə mətndə qeyd edilib.

Xatırladaq ki, Yaponiyada yanvarın 1-dən etibarən silsilə zəlzələlər qeydə alınır. Ölkənin rəsmi qurumlarının yaydığı son məlumatlara görə, təbii fəlakət nəticəsində ölənlərin sayı 126-ya çatıb, azı 516 nəfər yaralanıb.