Yaşıl keçidin təşviqinə dair sənədlər imzalandı | Orxan Məmmədovdan açıqlama

“Kiçik və Orta Biznesin (KOB) “yaşıl iqtisadiyyat”ın tələblərinə uyğun transformasiyası olmadan iqlim böhranı adekvat şəkildə həll edilə bilməz”.

Bunu İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov deyib.

Onun sözlərinə görə, KOB-lar qlobal istiləşmənin təsirlərinə daha çox həssasdırlar.

O.Məmmədov bildirib ki, COP29 çərçivəsində bir neçə gün bundan əvvəl KOB-ların “yaşıl keçid”inin təşviqinə, bu sahədə əməkdaşlığa dair sənədlər imzalanıb:

“Bu təşəbbüs dünya üzrə KOB-lar üçündür. Biz qlobal KOB ekosistemini konsolidasiya etməyi hədəfləyirik ki, onların “yaşıl keçid”i real, praktik olsun. Bakı Bəyannaməsi KOB-ların qlobal iqtisadiyyat üçün oynadığı roldan və onların “yaşıl keçid” prosesində dəstəklənməsinin vacibliyindən bəhs edir”.