Çində insanabənzər robotların kütləvi istehsalına start verilib

Çində dünyanın tam avtomatlaşdırılmış müəssisələrindən biri fəaliyyətə başlayıb. Burada insanabənzər robotlar insan işçilərin birbaşa iştirakı olmadan özlərinə bənzər robotları yığırlar.

14 min kvadratmetr ərazidə yerləşən müəssisədə yeni robot təxminən hər 10 dəqiqədən bir konveyerdən çıxır. Zavodun illik istehsal gücünün 10 mindən çox qurğu təşkil etdiyi bildirilir.

İstehsal xəttində ağır və təkrarlanan işlərin böyük hissəsini robotlar yerinə yetirir. Onlar detalları götürür, paletlərə yerləşdirir və müxtəlif sahələr arasında daşıyır.

Keyfiyyətə nəzarət və anbarın idarə olunması da avtomatlaşdırılıb. Hazır robotlar bir neçə saat davam edən sınaqlardan keçir, daha sonra xüsusi kameralar onların üzərindəki qüsurları müəyyənləşdirir.

Hazır məhsullar avtomatlaşdırılmış anbara yerləşdirilir. Cəmi 65 kvadratmetr sahəsi olan anbarda eyni vaxtda 112 robot saxlamaq mümkündür.

Məlumata görə, ölkədə bu ilin ilk yeddi ayında 635 mindən çox sənaye robotu istehsal edilib.