Texnologiya
Pleyeri seçin:
İnnovasiya və Rəqəmsal İnkişaf Agentliyi məsələyə aydınlıq gətirdi
“Ölkədəki vəziyyətlə əlaqədar olaraq ölkə xaricindən kritik informasiya sistemlərimizə edilən kiberhücumlarda intensivlik müşahidə edilir”.
Bu barədə İnnovasiya və Rəqəmsal İnkişaf Agentliyinin departament rəhbəri Şahmar Hacıyəhyayev bildirib.
O qeyd edib ki, buna görə də informasiya sistemlərinə edilə bilinəcək kiberhücumların qarşısını alınması, eləcə də rəqəmsal təhlükəsizliyin təmin edilməsi və vətəndaşların fərdi məlumatlarının təmin edilməsi məqsədi ilə mühüm qabaqlayıcı tədbirlər görülür:
“Buna misal olaraq, xarici ölkələrdən daxil olan istifadəçilərin milli elektron hökumət portalına girişi qismən məhdudlaşdırılıb”.
O da qeyd edilib ki, Azərbaycandan olan istifadəçilər üçün “e-gov.az” saytı adi rejimdə işləyir, vətəndaşlardan heç bir şikayət daxil olmayıb. Texniki proseslərlə bağlı hər hansı bir problemə yol verilməməsi üçün mütəmadi olaraq informasiya sistemlərinin monitorinqi aparılır.
Kopyalandı
Seçilmişlər
