Şamaxıda yüksəksürətli internet çəkilir

25 yanvar 2024 350 baxış

“Aztelekom” MMC Şamaxı rayonunu yüksəksürətli internetlə təmin edir.

Rayonda mövcud ev təsərrüfatı və biznes subyektlərinin 81%-nə GPON texnologiyası ilə yüksəksürətli internetə qoşulma imkanı yaradılıb.

Şamaxının Yeni Muğanlı, Muğanlı, Meysəri, Qurdtəpə, Ərçiman, Böyük Xınıslı, Əngəxaran, Qaleybuğurd, Laləzar, Məlikçobanlı, Çaylı, Göylər, Dağ Bağırlı, Yenikənd, Avaxıl, Günəşli, Qaravəlli, Dəmirçi, Səfalı, Şirvan, Nüydü, Adnalı, Sabirli, Quşçu, Kərkənc, Mirikənd, Məlcək kəndlərində, Şəhriyar, Sabir və Yusif Məmmədəliyev qəsəbələrində və Şamaxı şəhərində fiber-optik şəbəkə qurulub.

“Aztelekom” MMC-dən bildirilib ki, xidmət haqqı seçilən tarifdən və müştəri tələbatından asılı olaraq 18 AZN-dən 54 AZN-dək dəyişir.

2017-2023-cü illərdə Azərbaycanda ümumilikdə 2 milyona yaxın ev təsərrüfatının və biznes subyektinin genişzolaqlı internetə çıxış imkanı yaradılıb. Bu, ölkədə mövcud ev təsərrüfatı və biznes subyektinin 66%-ni təşkil edir.

#Şamaxı rayonu