Süni intellekt bu məsələdə aciz qaldı | Hansı xətalar ortaya çıxdı?

06 may 2025 550 baxış

Müxtəlif suallara cavab axtararkən süni intellektin xidmətindən istifadə geniş hal alıb. Onun verdiyi cavablara ifrat arxayınlıq isə narahatlıq doğurur.

8 növ süni intellekt araşdırılıb. Məlum olub ki, onların hazırladığı cavabların orta hesabla 60 faizdən çoxu səhvdir.

Tədqiqat üçün süni intellektə 200 məqalədən konkret sitatları seçmək, müəllifi, dərc olunma tarixini və linki tapmaq tapşırığı verilib. İşi asanlaşdırmaq üçün “Google” axtarış sistemində ilk sırada yer alan elmi məqalələr seçilib. Süni intellekt proqramları və çatbotların heç biri verilən tapşırığı tam icra edə bilməyiblər. Ən ciddi xəta isə sitatların tapılmasında olub.

Tədqiqatçılar qeyd edirlər ki, süni intellekt çox vaxt konkret cavabı tapmaq əvəzinə, cavab “icad edir” və ya informasiyanın “hallüsinasiyası ilə məşğul olur”. Ekspertlər bunu təsadüfi xəta deyil, sistemli davranış kimi qiymətləndirirlər.

#Süni intellekt