Yapon alimlərinin yeni cihazı hər kəsi təəccübləndirdi | Tədqiqatdan gözlənilməz nəticələr

Yapon alimləri səs dalğaları vasitəsilə mərkəzi sinir sistemindəki tarazlıq problemləri ilə mübarizə aparmaq üçün innovativ metod hazırlayıblar.

İnsanlar və siçanlar üzərində sınaqdan keçirilən bu texnologiya bir dəqiqəlik təsirdən sonra yüksək effektivlik göstərib.

Tədqiqat "Environmental Health and Preventive Medicine" elmi jurnalında dərc olunub.

"Sound spice" adlı cihaz daxili qulaqda tarazlıq hissinə cavabdeh olan otolit orqanlarını stimullaşdıran 100 Hz tezlikli səs dalğalarını yaradır.

"Bu səs titrəyişləri vestibulyar sistemi aktivləşdirir. Bu da bədənin hərəkətə daha yaxşı uyğunlaşmasına kömək edir və narahatlığı azaldır", ‒ deyə professor Maşaşi Kato izah edib.

Eksperimentlər zamanı iştirakçılar hərəkət edən nəqliyyat vasitələrində oxudular, sürücülük simulyatoru istifadə etdilər və sallancaqda sallandılar.

Səs stimulyasiyasının istifadəsi başgicəllənməni və ürəkbulanmanı azaldıb, simpatik sinir sisteminin tənzimlənməsini yaxşılaşdırıb, uşaq və böyüklərdə ürəkbulanma ilə başgicəllənməyə qarşı müqaviməti artırıb.

Alimlər səsin səviyyəsinin adi fon səsə uyğun olduğunu qeyd edərək həm uşaqlar, həm də böyüklər üçün heç bir yan təsirinin olmadığını qeyd ediblər.

Araşdırıcılar bu texnologiyanı müxtəlif nəqliyyat vasitələrinə, o cümlədən təyyarələrə və dəniz gəmilərinə uyğunlaşdırmağı planlaşdırırlar. Bu kəşf səyahət zamanı problem yaşayan milyonlarla insana kömək edə bilər.