20 yaşlı Baku.ws-in uğurları

5 yanvar Baku.ws saytının fəaliyyətə başladığı gündür və həmin gündən 20 il ötür.

Yarandığı ilk vaxtdan məhdud kollektiv və imkanlarla ölkənin internet resursları arasında öz sözünü deməyi bacaran Baku.ws hazırda Azərbaycan və rus dillərində fəaliyyət göstərən ən oxunaqlı, operativ və etibarlı xəbər istehsalçılarından biridir.

Saytda ölkənin siyasi, iqtisadi, sosial, mədəni və idman həyatına dair xəbər, analitik yazı, reportaj, müsahibə və araşdırmalar, eyni zamanda regionda və dünyada baş verən ən son xəbərləri izləmək mümkündür.

Daim eksklüziv xəbərlərlə oxucuların rəğbətini və etimadını qazanan Baku.ws həm də beynəlxalq və yerli tədbirlərin informasiya dəstəkçisi kimi çıxış edir. 2013-cü ildə “Netyy” Ümumdünya Şəbəkəsinin milli seqmentinin və ümumiyyətlə İT-bazarının inkişafı üçün yaradılmış informasiya texnologiyaları sahəsində Azərbaycanın ilk mükafatının “İlin ən yaxşı əyləncə saytı” kimi qalibi olub.

Baku.ws Azərbaycanın “Instagram” seqmentində də öz sözünü demiş, ən oxunaqlı və etibarlı səhifə adını qazanıb. 1,1 milyon izləyicisi olan Baku.ws “Instagram” səhifəsi ölkə seqmentində ilk və yeganə rəsmi xəbər səhifəsidir.