3 ay idi zastavaya getmişdi, şəhid oldu | Mayor Baxış Baxışlının dəfni

Dövlət Sərhəd Xidmətinin Sərhəd Qoşunlarının xidməti vəzifələrini icra edərkən ildırım vurması nəticəsində həlak olan mayoru Baxışlı Baxış Elşən oğlu Tərtərdə dəfn edilib.

Şəhid hərbçinin nəşi Tərtərin İsmayılbəyli kənd qəbiristanlığında torpağa tapşırılıb.

Dəfn mərasimində rayonun və DSX-nin rəsmiləri, şəhidin ailə üzvləri, hərbçi yoldaşları, sakinlər iştirak ediblər.

“Oğlum universitetə 617 balla qəbul olunmuşdu. Həmin balla istədiyi ixtisası seçə bilərdi. Amma əmisi kimi sərhədçi olmağı seçdi. Üç ay idi Astaraya, zastavaya getmişdi, orada da şəhid oldu”, – deyə şəhidin atası Elşən Baxışlı oğlu barədə danışarkən söyləyib.