31 il sonra dəfn olunan şəhidin anası və qayınanasından ürəkdağlayan sözlər

Birinci Qarabağ müharibəsində itkin düşən və 31 ildən sonra meyitinin qalıqları tapılan şəhid Yaşar Kərimovun üçrəngli bayrağa bükülmüş tabutu Neftçala sakinləri tərəfindən böyük izdihamla qarşılanıb.

Vida mərasimindən sonra şəhidin meyitinin qalıqları Aşağı Qaramanlı kənd qəbiristanlığında torpağa tapşırılıb.

“Ağdama getdi, xəbər çıxmadı. Atası axtarmağa getdi, o da tapa bilmədi. 31 il idi ki, balamı gözləyirdik”, – şəhidin anası deyib.