500-700 xərcim çıxıb | Məktəb ləvazimatları neçəyə başa gəlir?
Yeni tədris ilinin başlamasına sayılı günlər qalır.
Valideynlər forma və məktəb ləvazimatları almaq üçün mağazalara üz tuturlar.
Bəs ümumilikdə bir şagird üçün hazırlıq neçəyə başa gəlir?
Baku TV-nin araşdırmasından məlum olub ki, tək 5-ci sinif şagirdi üçün məktəb bazarlığı edəcək valideyn 168-180 manat pul xərcləməlidir.
İqtisadçı ekspert Xalid Kərimli bildirib ki, minimum əməkhaqqı alan vətəndaşlar üçün hazırkı qiymətlər olduqca bahadır:
“Əhalinin son 7 ayda nominal gəlirlərində 5,8 faiz artım müşahidə olunur. İnflyasiya göstəricilərinə nəzər salsaq görərik ki, son 12 ayda qeyri-qida məhsullarında 1,7 faiz artım var. Xüsusən də aşağı əməkhaqqı alan şəxslər üçün qiymət artımı kəskin nəticələrə gətirib çıxarır. Bu şəxslərin indiki məqamda yüksək bazar qiymətləri ilə övladını istədiyi şəkildə məktəbə göndərməsi çətin görsənir”.