Acınohur düzündə heyvanların sayı artırıldı | Qax

Ekologiya və Təbii Sərvətlər Nazirliyi, Heydər Əliyev Fondu, WWF və IDEA İctimai Birliyinin dəstəyi ilə Qax Dövlət Təbiət Yasaqlığının Acınohur çölünə ceyranların buraxılması həyata keçirilib.

2010-cu ildən həyata keçirilməyə başlanılmış bu tarixi layihə günümüzdə də uğurla davam etdirilir.

"Azərbaycanda Ceyranların Reintroduksiyası" layihəsi çərçivəsində Şirvan Milli Parkından götürülən ceyranlar Acınohura gətirilərək çöllərə buraxılıb.

Ekologiya və Təbii Sərvətlər Nazirliyinin əməkdaşı Arzu Babayevanın sözlərinə görə, bu günə qədər Acınohur düzünə 89 ceyran reintroduksiya olunmuşdu. Hazırda onların sayı 400 başa kimi artıb.