Ağdamda mina partladıldı

Ağdamda ANAMA tərəfindən minatəmizləmə işləri sürətlə davam etdirilir. Ərazilərdən aşkarlanan mina və partlamamış hərbi sursatlar tam zərərsizləşdirilir.

ANAMA-nın İdarə Heyətinin sədri Vüqar Süleymanov jurnalistlərə açıqlamasında bildirib ki, Azərbaycanda qadınların minatəmizləmə əməliyyatlarına cəlb olunması ilə bağlı işlərə də start verilib:

“Hazırda bununla bağlı seçim aparılır. Seçim turu başa çatdıqdan sonra qadınlar treninqlərə cəlb ediləcəklər. Treninqlərdən sonra imtahanlardan uğurla keçən qadınlar minaaxtarma işlərinə cəlb olunacaqlar”.

Ermənilər 30 il ərzində yaşayış massivləri ilə yanaşı, həm də strateji əhəmiyyətli obyektlərin olduğu ərazilərə mina və hərbi sursatlar basdırıb. Həmin ərazilərdən biri də “Xaçın beton suvarma kanalı”nın keçdiyi ərazidir ki, bura da işğal dövründə erməni vandallığına məruz qalıb.

Əlavə edək ki, axtarış prosesinə canlı qüvvə və xüsusi texnikalarla yanaşı, minaaxtaran itlər də cəlb edilib.