Ağrıkəsiciləri səhv şəkildə istifadə edirik, yoxsa...? - Ekspertlər açıqladı

Ağrıkəsici dərmanlar ağrı və əzabları yüngülləşdirmək üçün nəzərdə tutulub, lakin bəzən onlar istənilən effekti verməyə bilər.

Rusiyalı terapevt Olqa Çistik və əczaçı Dmitri Qurov ağrıkəsicilərin səmərəsizliyinin səbəbləri haqqında danışıblar, həmçinin onların düzgün qəbulu üçün tövsiyələr veriblər.

İlk səbəb yanlış dozadır. İkincisi, bəzi xəstələr dərmən qəbul etdikdən sonra siqaret çəkir və ya alkoqol istehlak edirlər. Bu da dərmanın effektivliyini azaldan amillərdəndir. Üçüncüsü, dərmanın qəbul qaydalarına məsuliyyətlə yanaşmaq vacibdir.

Terapevtin sözlərinə görə, bəzi insanlar ağrıkəsici dərmanın qəbulundan bir neçə dəqiqə sonra nəzərəçarpan effekt verməsini gözləyirlər. Amma bu, belə deyil. Dərmanın orqanizmdə həzm olunması və təsir göstərməyə başlaması üçün vaxt lazımdır.

Əczaçı D.Qurov lazımi dərmanı müstəqil seçməyin kifayət qədər riskli olduğunu deyib. Məhz buna görə həkimə müraciət etmək son dərəcə vacibdir.