Ağstafada Neolit dövrünə aid tapıntılar

Milli Elmlər Akademiyası Arxeologiya və Antropologiya İnstitutunun ekspedisiyası Ağstafanın Xətai kəndi ərazisində artıq 4-cü mövsümdür ki, tədqiqat işləri aparır və hazırda işlərin növbəti mərhələsinə başlanılıb.

Araşdırmalar zamanı təxminən 8 min il əvvələ aid Neolit dövrünün ən qədim mərhələsinin izlərinə rast gəlinib.

Arxeoloqlar hazırda birinci tikinti mərhələsinin qazıntısını yekunlaşdırıb və daha alt qatlarda yerləşən ikinci tikinti mərhələsinin abidələrinin aşkara çıxarılması istiqamətində işlər aparılır.