Aİ ölkələri ilə cənubi Qafqaz ölkələri arasında münasibətlər müzakirə edilib

Tbilisi Dövlət Universiteti və Azərbaycanın ADA Universitetinin birgə təşkilatçılığı ilə Avropa İttifaqının Şərq Tərəfdaşlığı proqramı çərçivəsində “Davamlılığın gücləndirilməsi – hamı üçün əlçatanlığı təmin edən Şərq Tərəfdaşlığı” adlı seminar keçirilib.

Seminarda çıxış edən Azərbaycanın Gürcüstandakı fövqəladə və səlahiyyətli səfiri Faiq Quliyev Azərbaycanla Gürcüstan arasındakı tarixi köklərə malik əlaqələrdən danışıb.

Seminarda Avropa İttifaqı ölkələri ilə Cənubi Qafqaz ölkələri arasında münasibətlər, yeni çağırışlar, enerji və nəqliyyat layihələrinin açdığı yeni imkanlar və s. məsələlər ətrafında müzakirələr aparılıb.