Alatava sakinlərinin həll olunmayan problemi | Qurum aləmi bir-birinə vurdu
Yasamal rayonu, 2-ci Alatava ərazisində yolun dar olması sürücülər və sakinlər arasında ciddi narazılığa səbəb olub.
Aylardır aparılan qazıntı işləri nəticəsində yol demək olar ki, yalnız bir avtomobilin hərəkət edə biləcəyi vəziyyətə düşüb.
Vətəndaşlar isə problemin hansı qurumun səlahiyyətində olduğunu müəyyənləşdirə bilmədiklərini bildirirlər.
“Neçə ildən sonra park saldılar. Biz ora uşağı apara bilmirik, çünki səki yoxdur. İnsanlar yolun ortası ilə gedib-gəlirlər. Qazıntı işləri də bizi pis vəziyyətə salıb, evləri toz basıb”, – deyə sakinlərdən biri şikayətlənib.
Məsələ ilə bağlı Bakı Şəhər İcra Hakimiyyətindən bildirilib ki, sözügedən qazıntı işlərinə qurum tərəfindən heç bir rəy verilməyib:
“Lakin araşdırma zamanı müəyyən edilib ki, işlər “Azərişıq” ASC tərəfindən verilmiş texniki şərt və Dövlət Şəhərsalma və Arxitektura Komitəsinin Ərazi Tikinti-Planlaşdırma Mərkəzinin müəyyən etdiyi marşrut əsasında həyata keçirilir. Qurum tərəfindən işlərin sürətləndirilməsi məqsədilə ərazi nəzarətə götürülüb”.
#Yasamal rayonu teqi istifadə olunub
- Yanğın olan ərazidə son vəziyyət | Hadisə yerindən bağlantı - Baku TV CANLI
- Qapını açıq görüb oğurluq etdi | Bakıda soyğunçuluqla məşğul olan şəxs saxlanıldı - Baku TV CANLI
- Yasamal rayonunda 5 avtomobil toqquşdu
- Yasamalda yaşayış binasında yanğın oldu - Baku TV
- Bakıda azyaşlı bağçada nəzarətsiz qalaraq yola qaçıb - Baku TV
