Anam icazə vermədi getməyə... | 7 ildən sonra donor tapılan 11 yaşlı qız kömək istədi

11 yaşlı Aylanın yardımsevər şəxslərin dəstəyinə ehtiyacı var.

Bu barədə onun anası Nərminə Səmədova məlumat verib.

O bildirib ki, övladı talassemiyanın ən ağır növündən əziyyət çəkir:

“Ayda 2 dəfə qan köçürürük, qan qrupu mənfi dörddür deyə çətin tapılır. Qan köçürüldüyünə görə Aylada dəmirin miqdarı həddindən artıq çoxdur, bu da onun ürəyinə, ciyərinə toplanır və problemlər yaranır”.

2017-ci ildə Dünya Donor Bankına üzv olduqlarını söyləyən N.Səmədova 7 ildən sonra donorun tapıldığını bildirib:

“Keçən ayın sonunda Argentinadan 95 faiz uyğun olan donor çıxıb. Amerika ölkəsi olduğu üçün əməliyyatın qiyməti 102 000 dollardır. Onun 41 500 dollarını “Nargis” Fondu verir. Yerdə qalan miqdarı özümüz toplamalıyıq. Əməliyyat nə qədər tez olsa, o qədər yaxşıdır, orqanlarda böyümə olanda uğurlu alınmır”.