Arıqlamaq istəyənlər bunları bilsin | Piylənmədən əziyyət çəkirsinizsə...

Merdok Universitetinin Gələcəyin Sağlamlığı İnstitutunun alimləri müəyyən ediblər ki, orta intensiv məşq kişilərdə iştahla bağlı hormonlara əhəmiyyətli təsir göstərə bilər.

Tədqiqatda piylənmədən əziyyət çəkən və orta çəkisi 109 kiloqram olan 11 gənc seçilib. Oturaq həyat tərzi keçirən iştirakçıların metabolik pozğunluqları olmayıb.

Subyektlər iki qrupa bölünüb – bir qismi velosipeddə orta intensivlikdə 60 dəqiqə məşq, digərləri isə eyni vaxtda passiv istirahət ediblər. Müdaxilədən əvvəl və sonra bütün iştirakçılarda iştah parametrləri, o cümlədən iltihaba qarşı sitokinlər, məşq zamanı əzələlər tərəfindən ifraz olunan hormon, leptin və neyropeptid də ölçülüb.

Nəticələr göstərib ki, məşq bitdikdən bir saat sonra əzələlər tərəfindən ifraz olunan hormonun konsentrasiyası artıb, neyropeptidin səviyyəsi isə xeyli azalıb. Bundan əlavə, fiziki fəaliyyət iştahın qarşısını alıb.

Alimlər qeyd ediblər ki, idmandan sonra aclıq və enerji istehlakı mütləq artmır. Tədqiqatçıların fikrincə, idman arıqlama dərmanlarına ən yaxşı alternativdir.