Artıq çəki problemi olanlar bu nüanslara diqqət etsin | Dünyada bir milyarddan çox insan…

Dünya miqyasında bir milyarddan çox insanın piylənmədən əziyyət çəkdiyi təxmin edilir və bu vəziyyət arıqlama dərmanlarına tələbatı artırır.

Mütəxəssislər piylənməni daha dəqiq şəkildə təsnif etmək və diaqnostik yanaşmanı yenidən tərtib etmək üçün ümumi sağlamlıq vəziyyətinin nəzərə alınmasının vacibliyini bildirirlər.

Həkimlərin sözlərinə görə, piylənmə diaqnozu yalnız bir göstəriciyə əsaslanmamalıdır. Bu xəstəlik fərqli formalarda ortaya çıxır və hər xəstəyə uyğun bir yanaşma tələb edir.

Piylənmənin “klinik piylənmə” və “ondan əvvəlki piylənmə” olaraq iki fərqli kateqoriyada təsnif edilməsi təklif olunur.

Klinik piylənmə diaqnozunun artıq çəkinin səbəb olduğu xroniki xəstəliklərdən əziyyət çəkənlərə tətbiqi tövsiyə olunur. Sağlamlıq problemləri ilə üzləşməyən, lakin piylənmə riski olan şəxslər isə “klinikadan əvvəlki piylənmə” kateqoriyasına aid edilə bilər. Bu qrup üçün profilaktik tədbirlər, məsləhət və monitorinq əsas diqqət mərkəzində olmalıdır.

Qeyd olunur ki, yeni yanaşma piylənmədən əziyyət çəkən şəxslərə daha fərdiləşdirilmiş və uyğun qayğı göstərilməsinə imkan yaradacaq. Bununla yanaşı, həddindən artıq diaqnoz və lazımsız müalicə prosedurlarının azalması ilə səhiyyə sisteminin yükü də yüngülləşəcək.