"Arvadıma verdiklərimin tayı-bərabəri yoxdur" | Bəzədiyi kuzə Brejnevə hədiyyə verilən bakılı

“O vaxtlar” verilişinin budəfəki qonağı Nardaran sakini Mahmud Əliyev olub.

Verilişdə uşaqlıq illərindən, zərgərlik sənətinə gəlişindən, Brejnevə verilən hədiyyənin hazırlanmasından və kənd təsərrüfatı həyatından danışan Mahmud Əliyev öz həyat hekayəsini bölüşüb.

Nardaran sakini uşaqlıq illərindən və sənətə gəlişindən danışaraq bildirib:

“Bakının mərkəzində anadan olmuşam. Məktəbi bitirəndən sonra universitetə daxil ola bilmədim. Nəslimizdə sənətkar yox idi, tacirlər olub. Atamın dostu, xalçaçı-rəssam Kamil Əliyevin yanına getdik və mən usta şagirdi kimi zərgərliyə başladım. Tərsliklə, dediyimə əməl edərək sənəti mükəmməl öyrəndim. Brejnev Bakıya gələndə ona gümüşdən kuzə hədiyyə veriləcəkdi, mən onu qızıldan butalar və zərif şəbəkə işi ilə bəzədim. Həmin kuzə indi Kiyevdə tarix muzeyində saxlanılır”.

Ailə qurmaq hekayəsindən və həyat yoldaşına verdiyi qiymətli hədiyyələrdən danışan Mahmud Əliyev xatırlayıb:

“Atalarımızın dost olduğu bir ailədən olan qızla evlənmişəm. İlk dəfə görüşəndə ona mirvari üzük verdim, başqa yerdə təkrarı olmayan bir iş idi. Sonralar da vaxtaşırı öz əl işlərimdən ona hədiyyələr etmişəm. Yaşlaşandan sonra qadında bəzəyə həvəs qalır ki?! Amma biz sevgini, hörməti hər zaman qoruyub saxlamışıq”.