Pleyeri seçin:
Bakıda ilboyu xizək və snoubord üzrə məşq imkanı yaradıldı - Baku TV
Bakıda ilboyu xizək və snoubord üzrə məşq imkanı yaradan “Ski Center Baku” fəaliyyətə başlayıb.
Mərkəzin rəsmi açılış mərasimində gənclər və idman naziri Fərid Qayıbov, Azərbaycan Qış İdman Növləri Federasiyasının prezidenti Fuad Nağıyev və digər rəsmi şəxslər iştirak ediblər.
2800 kvadratmetr sahəni əhatə edən mərkəzdə üç “MaxxTracks” məşq yamacı və “Olympus SkyTech” simulatoru quraşdırılıb.
Burada həm yeni başlayanlar, həm də təcrübəli xizəkçi və snoubordçular üçün ilboyu məşqlərin keçirilməsi nəzərdə tutulur.
Uşaqların və gənclərin qış idman növlərinə cəlb olunması da əsas istiqamətlərdən biri olacaq. Məktəblilər üçün tanışlıq proqramları, məşq qrupları və məşqçi seminarlarının təşkili planlaşdırılır.
“Ski Center Baku”nun yaradılmasında məqsəd Azərbaycanda qış idman növləri üzrə təlim-məşq imkanlarını genişləndirmək və yeni idmançıların inkişafına şərait yaratmaqdır.
Kopyalandı
Seçilmişlər
