Astanada Heydər Əliyev küçəsinin açılışı olub

Aprelin 10-da Astanada Heydər Əliyev küçəsinin təntənəli açılış mərasimi keçirilib.

Prezident İlham Əliyev və Qazaxıstan Prezidenti Kasım-Jomart Tokayev açılış mərasimində iştirak ediblər. Dövlət başçıları əvvəlcə türk xalqlarının ortaqlığının, mədəni dəyərlərinin yaxınlığının və Azərbaycan xalqına hörmətin rəmzi olan monumentin üzərindən ağ örtüyü götürüblər.

İlham Əliyev və Kasım-Jomart Tokayev açılış mərasimində çıxış etdikdən sonra Heydər Əliyev küçəsində yerləşən Botanika bağında ağac əkiblər. Daha sonra dövlət başçıları şəhər ictimaiyyətin nümayəndələri ilə görüşüb söhbət ediblər.