Atəş hazırlığı üzrə praktiki çalışmalar yerinə yetirilib
Quru Qoşunlarının 2023-cü il üzrə döyüş hazırlığı planına uyğun olaraq, atıcı silahlar və snayper tüfənglərindən atəş hazırlığı üzrə praktiki atış çalışmaları yerinə yetirilib.
Müdafiə Nazirliyindən verilən məlumata görə, atışdan qabaq şəxsi heyətə təhlükəsizlik qaydaları çatdırılıb, onların nəzəri biliklərini artırmaq məqsədilə məşğələlər keçirilib.
Atışın şərtləri ilə tanış olduqdan sonra müxtəlif kateqoriyalardan olan hərbi qulluqçular təlim sahələrində silahların döyüşə hazır vəziyyətə gətirilməsi və şərti düşmən hədəflərinin aşkar olunaraq məhv edilməsi üzrə tapşırıqları uğurla icra ediblər.
Səhra şəraitində keçirilən təlim atış çalışmalarında əsas diqqət şəxsi heyətin düzgün nişanalma qaydalarına əməl etməklə hədəfləri dəqiq atəşlə məhvetmə qabiliyyətinin artırılmasına yönəldilib.
#Quru Qoşunları teqi istifadə olunub
- Hikmət Mirzəyevin başçılığı altında Quru Qoşunlarının ordu korpuslarının keçidi
- Artilleriya bölmələrinə tapşırıq verildi | Müdafiə Nazirliyi görüntülər yaydı
- Bölmələr "Həyəcan" siqnalı ilə qaldırıldı | MN-dən məlumat
- General-mayor İlqar Lətifov Pakistanın hərbi nümayəndə heyəti ilə görüşdü
- Zakir Həsənov Xankəndidə | Müşavirədə nələr təhlil edildi?
