Avtomobil sahiblərini belə aldadırlar | Saxtakarların qurbanı olmamaq üçün bunları bilsin

Avtomobil sahibləri hər il xeyli miqdarda artıq pul ödəyir, lakin qarşılığında gözlənilən keyfiyyəti əldə etmirlər. Orijinal kimi satılan hissələrin 30 faizə qədəri şübhəli mənşəyə malikdir.

Rusiyalı mütəxəssis Konstantin Liqaçovun sözlərinə görə, hətta avtomobil istehsalçısının brendi adı altında satılan hissələr belə keyfiyyət baxımından ciddi şəkildə fərqlənə bilər.

O bildirib ki, qablaşdırmanın üzərində tanınmış avtomobil brendinin loqosu olsa da, bu onun yüksəkkeyfiyyətli məhsul olduğuna zəmanət vermir.

Ekspertin fikrincə, hər şey onun haradan alındığından asılıdır. Rəsmi dilerdən alınan ehtiyat hissələri adətən sertifikatlı olur, zəmanət təqdim edilir və keyfiyyət sabit olur. Amma bazarda və kiçik mağazalarda vəziyyət fərqlidir, burada hər şey şansa bağlıdır.

Konstantin sonda vurğulayıb ki, əgər siz avtomobilinizin etibarlı, uzunömürlü olmasını istəyirsinizsə, yalnız tanınmış və rəsmi mənbələrdən alınmış orijinal detallar seçməlisiniz.