Pleyeri seçin:
Avtomobillərin utilizasiya haqları təsdiqləndi
Bu ilin sentyabrından köhnə avtomobillərin utilizasiyasına başlanılacaq.
Avtomobili utilizasiya olunan sürücülərə bunun müqabilində ödəniş ediləcək. Utilizasiya ödənişi ilə yerli istehsal avtomobil əldə etmək istəyənlərə tam ödəniş həyata keçiriləcək. Başqa məqsədlər və ya xarici maşın almaq üçün avtomobilini utilizasiya edənlərə ödənişin 70 faizi təqdim olunacaq.
Nəqliyyat eksperti Elməddin Muradlı bildirib ki, utilizasiya prosesinin həyata keçirilməsi zamanı avtomobil sahiblərinə çeklər veriləcək:
“Bu çeklərdə məbləğ göstərilir. Minik avtomobilləri üçün 1500 manat, mikroavtobuslar üçün 2000, digər texnikalar – kran, traktorlar üçün isə 3000 manat vəsait nəzərdə tutulur. Bu ödəniş həm nağd, həm də çek şəklində ola bilər”.
Qeyd edək ki, fevralın 1-dən utilizasiya fondunun formalaşdırılması üçün nəqliyyat vasitələrinin texniki baxışı zamanı əlavə olaraq utilizasiya haqqı ödənilir.
Kopyalandı
Seçilmişlər
